ІІМ өкілі Астанадағы тұрғын үй кешендерінің бірінде балаларға жасалған шабуылға пікір білдірді
Опубликовано:
Ішкі істер вице-министрі Игорь Лепеха мәжіліс кулуарында Астанадағы тұрғын үй кешендерінің бірінде ер адамның балаларға шабуыл жасауына қатысты жағдайға пікір білдірді. Бұл туралы KAZ.NUR.KZ тілшісі хабарлайды.
"Іс қозғалды, ол жауапқа тартылады", - деді Игорь Лепеха.
Вице-министрдің сөзінше, қылмыстық іс аясында құқыққорғаушылар ер адам балаларға шабуыл жасаған кезде қандай халде болғанын анықтайды.
Сондай-ақ ол көпшіліктен кешірім сұрау практикасы туралы сөз қозғады.
"Егер ол кешірім сұрағысы келсе, біз неге оны бұл құқығынан айыруымыз керек. Бірақ бұл оның жазасын жеңілдетпейді", - деді спикер.
Еске салайық, бұған дейін Астанада тұрғын үй кешендерінің бірінде белгісіз ер адам балаларды ұрып-соққанын жазған болатынбыз.
Сондай-ақ зардап шеккен балалардың ауруханаға жеткізілгені, кешке қарай барлығы үйіне жіберілгені белгілі болды.
Мақаланың түпнұсқасы: https://kaz.nur.kz/society/2059262-iim-okili-astanadagy-turgyn-ui-kesenderinin-birinde-balalarga-zasalgan-sabuylga-pikir-bildirdi/