АҚШ-қа қайырымдылық асқа барған Нұрлан имам екі жастың некесін қиды (видео)

АҚШ-қа қайырымдылық асқа барған имам Нұрлан Байжігітұлы Филадельфияда екі жастың некесін қиды. Бұл туралы KAZ.NUR.KZ имамның Instagram-дағы парақшасына сілтеме жасап хабарлайды.

Нұрлан имамның желідегі парақшасындағы жарияланған видеодан Филадельфия қаласында Аль-Бухари мешітінде қырғыз, өзбек, қазақ жамағатымен кездескенін көруге болады.

"Бүгін Астана қаласындағы Ырыскелді қажы атындағы мешіттің бас имамы Нұрлан Байжігітұлы қажы Пенсильвания штатындағы Филадельфия қаласында Аль-Бухари мешітінде қырғыз, өзбек, қазақ жамағатына уағыз айтты. Уағыздан соң Нурлан қажы бас имам болып жамағатпен намаз оқыды.

Бұл кездесу барысында - жақсы адамдардың қасиеттері, түзу жолы және Аллаh туралы әңгіме жүргізіп қоймай, жаңа қосылған жастарымыздың ақ некесын қидық! Іс-шара жоғары деңгейде және әсерлі өтті", - деп жазылған видео сипаттамасында.

Сонымен қатар Филадельфия қазақтары оны әрдайым күтіп, қуанышпен қарсы алатындарын жеткізген.

Еске салайық, бұған дейін Нұрлан имамның АҚШ-та жыл сайын өтетін қайырымдылық асына қатысатынын жазған едік.

"Бұл тікелей Америка президентінің шақыруы емес. Көп жерде бұлай жарыса жазып жатқаны қате. Бұл – АҚШ-та жылда өтетін қайырымдылық ас. Қайырымдылық асқа сол мемлекеттегі дін басшылары, мемлекет басшылары, танымал тұлғалар шақырылады", - деген еді Нұрлан имам.

2 ақпанда Нұрлан имам алпауыт елдің дін басшылары жиналған Ақ үйдегі қайырымдылық асына қатысты.