Досаев қалада жарысатын көлік жүргізушілеріне қарсы күрес жүретінін айтты

Ерболат Досаев тұрғындардың тыныштығын бұзатын автошабандоздарға қарсы күрес шаралары туралы айтты, деп хабарлайды Алматы әкімдігінің ресми Telegram-парақшасына сілтеме жасаған KAZ.NUR.KZ.

Алматы әкімі Ерболат Досаевтың Медеу ауданының тұрғындарымен кездесуінде Ладушкин көшесі 65 үйдің тұрғыны тұрғындардың тыныштығын бұзатын автошабандоздарға қатысты шаралар қабылдауды сұрады.

"Біз аудан тұрғындарының шағымын ескердік. Түнгі тыныштықты бұзғандарға жауапкершілік бар. Полиция департаменті өкілдерімен бірлесіп, Достық даңғылы, Керей-Жәнібек хандар көшесінде "Сергек" бейнекамераларын орнатуды тапсырдым. Онда жылдамдық шектеулі. Бейнебақылау камералары бұл жағдайға оң әсер ететініне сенімдімін", - деп жауап берді Ерболат Досаев.

Мәтіннен қате тапсаңыз, бізге жазыңыз