Астанада қатты желден "Рухани жаңғыру" символы құлап қалды

Астана халықаралық әуежайы аумағында орналасқан "Рухани жаңғыру символы объектісі желден құлап қалды. Бұл туралы KAZ.NUR.KZ тілшісі хабарлайды.

Астана әуежайының маңында "Рухани жаңғыру" символы объектісінің құлап жатқаны түсірілген сурет Instagram-дағы astanovka98 паблигінде жарияланды.

Суреттің астындағы сипаттамада мердігер компания жөндеу жұмыстарына кіріскені жазылған.

Астана қаласы Есіл ауданының әкімдігіне сілтеме жасаған "ҚазАқпарат" агенттігінің мәліметінше, сәулет нысаны қатты желдің әсерінен құлаған.

"Қазір мердігер ұйым қайта орнату жұмысын жүргізіп жатыр. Зардап шеккендер жоқ", - деп хабарлады Есіл ауданының әкімдігі өкілдері.

Айта кетейік, 8 ақпанда Астанадағы жоғары оқу орындарының бірінде шатырды жел ұшырып әкеткенін жазған едік.