Талдықорғандағы Назарбаев ескерткішінің тұғыры алып тасталды

Талдықорған қаласындағы Қазақстанның тұңғыш президенті Нұрсұлтан Назарбаев ескерткішінің тұғыры алып тасталды. Талдықорған әкімдігі жағдайды түсіндірді, деп хабарлайды Kazinform агенттігі.

Талдықорған қаласы әкімдігінің баспасөз қызметі ол жерге мәдени нысан салу жоспарда жоғын хабарлады.

"Талдықорған қаласының орталық алаңында бұзылған ескерткіштің тұғыры қаланың сәулеттік келбетін қашырып тұрды. Осыған байланысты бөлшектеліп алынып, тасталды. Оны қалпына келтіру немесе оның орнына басқа да мәдени нысан салу жоспарда жоқ", - деп жауап берді қала әкімдігінің баспасөз қызметі.

Айта кетейік, осыған дейін Ұлттық музейдегі Назарбаевтың ескерткіші алып тасталған еді.