Алматы тауларында қар көшкіні қаупіне байланысты блокбекеттер қойылды

13-14 ақпан аралығында Алматы тауларында қар көшкіні қаупіне байланысты блокбекеттер қойылды, деп хабарлайды Қазгидрометке сілтеме жасаған KAZ.NUR.KZ

Қарқынды жауын-шашынның түсуіне байланысты, сондай-ақ "Қазгидромет" РМК-ның Үлкен және Кіші Алматы өзендерінің бассейндеріндегі көшкін қаупі туралы қолайсыз ауа райына байланысты ескертуі негізінде 13-14 ақпан аралығында:

1. "Алматы қаласы – Космостанция" автожолындағы "Аюсай" бөгетінен жоғары;
2. "Шымбұлақ – Мыңжылқы бөгеті" автожолындағы "Эдельвейс" көшкін жинау ауданында;

автокөліктердің, халықтың және демалушылардың кіруін шектейтін блок бекеттер қойылды.    

"Алдағы күндері тауға және таудың қарлы беткейлеріне шықпауларыңызды сұраймыз!" - делінген ескертуде.