Қарағандыда үйде болған жарылыс: оқиғаның мән-жайы белгілі болды

Қарағанды қаласында орын алған оқыс оқиғаның мән-жайы белгілі болды. Облыстық төтенше жағдайлар департаменті жер үйде болған жарылыстың алдын ала себебін айтты, деп хабарлайды KAZ.NUR.KZ.

Қазіргі уақытта облыстық төтенше жағдайлар департаментінің құтқарушылары оқиға орнында үйіндіні бөлшектеп жатыр.

"Жарылған үйдің үйіндісінің арасынан 5 литрлік екі газ баллоны табылды. Оның біреуі жарылған. Бұл газ жарылғаны туралы болжамды шамамен дәлелдейді. Жұмыс жалғасып жатыр", делінген ресми хабарлмада.

Айта кетейік, 18 ақпан күні сағат 03:30 шамасында Қарағанды қаласында жер үйде жарылыс болып, үйінді астынан екі адам шығарылғанын хабарлаған едік.

Өртті жоюға ТЖД, апаттар медицина орталығынан, полиция қызметінен 45 адам, 13 техника жұмылдырылды.