Қазақстанның екі облысында ауа райына байланысты ескерту жарияланды

Синоптиктер ауа райының қолайсыздығына байланысты екі өңірде дауылдық ескерту жариялады. Бұл туралы KAZ.NUR.KZ "Қазгидромет" РМК сайтына сілтеме жасап хабарлайды.

Метеорологтардың мәліметінше, 24 ақпанда Қызылорда облысының шығысында, орталығында, сондай-ақ кей уақытта Қызылорда қаласында тұман күтіледі.

24 ақпанда Түркістан облысының оңтүстігінде, таулы және тау бөктерлі аудандарында тұман, облыстың таулы аудандарында бұрқасын күтіледі. Сонымен қатар өңірде солтүстік-шығыстан жел соғып, облыстың солтүстігінде, таулы аудандарында күші 15-20 м/с-қа дейін жетуі мүмкін.

24 ақпанда кей уақытта Шымкент қаласында, түнде Түркістан қаласында тұман күтіледі.

Айта кетейік, бұған дейін алдағы демалыс күндері Қазақстанда ауа райы қандай болатынын хабарлаған едік.

Мәтіннен қате тапсаңыз, бізге жазыңыз