Қазақстанда чипс, фастфуд және энергетикалық сусындарды жарнамалауға тыйым салынуы мүмкін

Парламент сенатының депутаттары үкіметке Қазақстанда зиянды өнімдерді жарнамалауға тыйым салу туралы ұсыныспен жүгінді. Бұл туралы KAZ.NUR.KZ хабарлайды.

Премьер-министрдің орынбасары Тамара Дүйсенова сенат депутаттарының сауалына жауап бере отырып, Қазақстанға энергетикалық сусындар, чипстер, фастфуд және басқа да зиянды өнімдер сәйкестік туралы декларациямен әкелінетінін мәлімдеді.

Сондай-ақ ол өнімдер өткізу сатысында сатып алу және өнімдерді санитарлық-эпидемиологиялық мониторингілеу аясында бақылаудан өткізіледі.

Бұл ретте Денсаулық сақтауды дамытудың 2026 жылға дейінгі тұжырымдамасында салауатты және рационалды тамақтану және салауатты әдеттерді, оның ішінде балалар арасында қалыптастыру бойынша ақпараттық-түсіндіру жұмыстарын жүргізу көзделген.

"Денсаулық сақтау, мәдениет және ақпарат министрліктері ұлттық телеарналар мен радиоарналарда балаларға арналған зиянды өнімдерді жарнамалауға уақытша шектеулер енгізу мәселесін қарастыруда", - деді вице-премьер өз жауабында.

Ол сондай-ақ денсаулық сақтау министрі Ақмарал Әлназароваға депутаттармен кездесу ұйымдастырып, осы мәселелер бойынша қабылданған шаралар туралы толығырақ баяндауды тапсырғанын айтты.

Айта кетейік, жуырда депутат Бибігүл Жексенбай Қазақстанда жаңа "азық-түлік салығын" енгізу туралы ұсыныс айтқан еді.

Оның пікірінше, Қазақстанда "зиян" деп аталатын тағамдарға тыйым салынып, зиян тағамдар мен қант қосылған түрлі энергетикалық сусындарға қосымша салық салынуы керек.