Каспий теңізі тартылып кеткені түсірілген видео жарияланды

Желіде Каспий теңізінің тартылып кеткені көрсетілген видео жарияланды. Теңіздің видеосын видеоблогер Нұркен Тәжібай түсірген, деп жазады KAZ.NUR.KZ.

Видеоблогердің Instagram-дағы парақшасында жарияланған видеода теңізді әуеден түсірген кадрлар бар. Көріністен теңіз жағасының таязданғанын байқауға болады.

"Былтырға қарағанда теңізіміз алысқа кетіп қалыпты ", - делінген жазбада.

Айта кетейік, бұған дейін ақтаулық блогер Каспий теңізінің тартылып жатқанын көрсеткен болатын.

"ҚазақТеңізКөлікфлоты" ҰТКҚК Facebook-тегі ресми парақшасының мәліметі бойынша Каспий теңізі – Еуропа мен Азияның кіндігінде орналасқан. Ол жер бетіндегі ең алып тұйық көл болуымен де ерекшеленеді.

Каспий теңізімен бес мемлекет шектеседі. Олар: Қазақстан, Ресей, Әзербайжан, Түркіменстан, Иран. Сонымен бірге теңіз жағасында 13 қала орналасқан. Әзербайжанның 6 қаласы, Қазақстан, Ресей, Иран елдерінің 2 қаласы және Түркіменстанның 1 қаласы бар.

Мәтіннен қате тапсаңыз, бізге жазыңыз