Бірыңғай уақыт белдеуіне көшуге байланысты ХҚКО-лар кідіріспен жұмыс істеп жатыр

Бірыңғай уақыт белдеуіне көшуіне байланысты Қазақстанда 1 наурыздан бастап арнайы ХҚКО-лар кідіріспен жұмыс істеп жатыр. Бұл туралы "Азаматтарға арналған үкіметке" сілтеме жасаған KAZ.NUR.KZ хабарлайды.

Мамандандырылған халыққа қызмет көрсету орталықтарының жұмысындағы үзілістер туралы NUR.KZ тілшісіне "Азаматтарға арналған үкімет" мемлекеттік корпорациясының баспасөз қызметі хабарлады.

"Уақыт белдеуінің өзгеруіне байланысты мамандандырылған халыққа қызмет көрсету орталығы жүйесінің уақытша қалыпты жұмыс істемей жатқанын хабарлаймыз.

Мамандар мәселені шешумен айналысуда. Уақытша қолайсыздықтар үшін кешірім сұраймыз", - деп хабарлады "Азаматтарға арналған үкімет" баспасөз қызметі.

Еске сала кетейік, бүгінде көптеген қазақстандық цифрлық құжаттарда қателіктер барын айтып, жаппай шағымдана бастаған.

Мәтіннен қате тапсаңыз, бізге жазыңыз