Қазақстанның бір облысында су тасқыны болуы мүмкін: синоптиктер ескерту жасады
Опубликовано:
Синоптиктердің болжамынша 14-16 наурыз аралығында күн жылынып, Батыс Қазақстан облысындағы кей елдімекендерді су басу қаупі бар. Бұл туралы KAZ.NUR.KZ "Қазгидромет" РМК баспасөз қызметіне сілтеме жасап хабарлайды.
"2024 жылғы 14-16 наурыз аралығында ауа температурасының жоғарылауына байланысты Батыс Қазақстан облысында қардың қарқынды еруі, еріген ағынды судың көбеюі, мұздың еруі және өзендерде су деңгейінің көтерілуі күтілуде. Салдарынан су тасқыны болуы мүмкін", - делінген "Қазгидромет" хабарламасында.
Өңірде дауылдық ескерту жарияланды.
Еске сала кетейік, бұған дейін синоптиктер ауа райының қолайсыздығына байланысты Қазақстанның бірнеше облысында дауылдық ескерту жариялаған болатын.
Мақаланың түпнұсқасы: https://kaz.nur.kz/society/2066979-qazaqstannyn-bir-oblysynda-su-tasqyny-boluy-mumkin-sinoptikter-eskertu-zasady/
