Шетелдіктер Қазақстан елтаңбасына шағымданды ма: СІМ өкілі жауап берді

Бүгін өткен брифингте Сыртқы істер министрлігінің ресми өкілі Айбек Смадияров Қазақстанның елтаңбасын өзгерту мүмкіндігі туралы айтты деп хабарлайды NUR.KZ тілшісі.

Журналистер бүгін депутат Еркін Әбіл Елтаңбамыз тек қазақстандықтарға ғана емес, шетелдіктерге де түсінікті болуы керектігін айтқанын атап өтті.

Осыған байланысты олар басқа мемлекеттердің өкілдері "Қазақстанның елтаңбасын түсінбей қалдық" деп шағымданған жағдайлар болды ма деп сұрады.

"Елтаңба – біздің рәміз, солай емес пе? Неліктен шетелдіктердің көңілінен шығу үшін оны өзгертуіміз керек? Мұндай өтініштер түспегені анық, егер түскен болса, бұл бос сөз шығар. Бұл қоғамда пісіп-жетілген ішкі мәселе. Өздеріңіз білесіздер, ол әлі де талқыланып жатыр, Сондықтан ішкі мәселеге қатысты бұдан әрі түсініктеме бере алмаймын. Уақыт өте көреміз, "- деді Айбек Смадияров.

Жалпы, оның айтуынша, шетелдік серіктестерге елтаңбасы мен туын ұнатпайтынын айту жаман әдет.

Мәтіннен қате тапсаңыз, бізге жазыңыз