Қазақстанның 11 облысында ауа райына байланысты ескерту жарияланды

Еліміздің астанасы мен 11 облысында ауа райына байланысты ескерту жарияланды. Бұл туралы "Қазгидромет" РМК баспасөз қызметіне сілтеме жасаған KAZ.NUR.KZ хабарлайды.

4 сәуірде түнде және таңертең Астанада, Қарағанды облысының батысында, солтүстігінде, шығысында, Ұлытау облысының солтүстігінде, Солтүстік Қазақстан облысында, Ақтөбе облысының солтүстік-шығысында тұман түседі.

Маңғыстау облысында оңтүстік-шығыстан соғатын жел солтүстік-батысқа ауысады. Күндіз облыстың оңтүстігінде, орталығында екпіні 15-20 м/с күтіледі.

Ақмола, Қостанай, Павлодар, Батыс Қазақстан облыстарында да тұман күтіледі.

04 сәуірде түннің бірінші жартысында Түркістан облысының таулы және тау бөктерлі аудандарында, күндіз тауларында найзағай, дауыл күтіледі. Оңтүстік-шығыстан жел соғады, найзағай кезінде екпіні 15-20 м/с болады.

Алматы облысының шығысында, таулы аймақтарында шығыстан соғатын желдің екпіні 15-20 м/с.