"Рекордтық мәніне жақындады": синоптиктер БҚО-да су тасқыны болатынын ескертті

Жайық өзені бойындағы көктемгі су тасқынының күтілетін көлемін "Қазгидромет" РМК мамандары хабарлады. Олар РФ аумағында орташа көрсеткіштерден асып түсетіні айтылды, деп хабарлайды KAZ.NUR.KZ.

"Жайық өзені ағынының қалыптасатын жоғарғы аймағындағы бақылау деректеріне негізделген Рогидромет болжамдары көктемгі су тасқынының күтілетін көлемі 2023 жылға арналған көпжылдық орташа мәндер мен көрсеткіштерден 2-2,5 есе асып түсетінін көрсетеді.

Синоптиктердің мәліметінше, Верхнеуральск су қоймасында (Челябі облысы) су тасқынының көлемі 0,36-дан 0,46 текше километрге дейін жетеді деп күтілуде. Бұл 2023 жылмен салыстырғанда 9 есе жоғары және ұзақ мерзімді сипаттамаларға максималды жақындады", - делінген ескертуде.

Ал Ириклинск су қоймасындағы (Орынбор облысы) су тасқынының болжамды көлемі 2,5-3,5 текше километр аралығында. Бұл 2023 жылғы деректерден екі есе көп және тарихи ең жоғары көрсеткішке жақындады.

Самара-Татарская Каргала учаскесінде (Орынбор облысы) су тасқынының көлемі 5,0-ден 6,0 текше километрге дейін күтілуде, бұл да өткен жылғыдан жоғары.

"Қазақстан аумағында "Орал-Көшім" гидропостында (Батыс Қазақстан облысы) өзен ашылуының болжамды мерзімі 2024 жылдың 7 сәуірінен 12 сәуіріне дейін болжануда. Көктемгі су тасқынының көлемі Орал-Көшім учаскесінде 11,0-ден 15,0 текше километрге дейін жетеді, бұл өткен жылғы көрсеткіштерден айтарлықтай асып түседі және рекордтық көрсеткіштерге жақындайды", - деп ескертті синоптиктер.

Айта кетейік, бүгін Мемлекет басшысы Қасым-Жомарт Тоқаев жұмыс сапарымен су тасқынынан зардап шеккен Батыс Қазақстан облысына келді.

РФ ТЖМ министрлігінің мәліметі бойынша су тасқыны - судың ең жоғары мөлшерімен, су деңгейінің жоғары және ұзақ көтерілуімен сипатталатын, сол маусымда берілген климаттық жағдайларда жыл сайын қайталанатын өзеннің және қардың еруінен немесе қар мен мұздықтардың аралас еруінен туындаған су режимінің фазасы.