Құлсарыға қайықпен шығып, жоғалып кеткен ер адамды полицейлер дронмен тапты (видео)
Жарияланған күні:
Атырау облысында су тасқыны кезінде қайықпен шығып, жоғалып кеткен 49 жастағы ер адам табылды. Бұл туралы Ішкі істер министрлігінің Telegram-дағы арнасына сілтеме жасаған KAZ.NUR.KZ хабарлайды.
Ведомство мәліметінше, Жылыой ауданының полициясына 49 жастағы ер адам Қарағай ауылынан Құлсарыға қайықпен шығып, хабар-ошарсыз кеткені туралы ақпарат түскен.
"Бүгін таңертең Қарағай елді мекенінен 10 шақырым жерде су тасқынынан пайда болған аралдан полиция қызметкерлері дронның көмегімен 49 жастағы ер адамды тапты", - делінген хабарламада.
Полицейлер ер адамның жағдайы тұрақты, туыстарының жанында екенін атап өтті.
Мақаланың түпнұсқасы: https://kaz.nur.kz/society/2083157-qulsaryga-qaiyqpen-sygyp-zogalyp-ketken-er-adamdy-policeiler-dronmen-tapty-video/
