Құлсарыға қайықпен шығып, жоғалып кеткен ер адамды полицейлер дронмен тапты (видео)

Атырау облысында су тасқыны кезінде қайықпен шығып, жоғалып кеткен 49 жастағы ер адам табылды. Бұл туралы Ішкі істер министрлігінің Telegram-дағы арнасына сілтеме жасаған KAZ.NUR.KZ хабарлайды.

Ведомство мәліметінше, Жылыой ауданының полициясына 49 жастағы ер адам Қарағай ауылынан Құлсарыға қайықпен шығып, хабар-ошарсыз кеткені туралы ақпарат түскен.

"Бүгін таңертең Қарағай елді мекенінен 10 шақырым жерде су тасқынынан пайда болған аралдан полиция қызметкерлері дронның көмегімен 49 жастағы ер адамды тапты", - делінген хабарламада.

Полицейлер ер адамның жағдайы тұрақты, туыстарының жанында екенін атап өтті.