Ақтөбеде Taza qala экологиялық акциясының ашылуы өтті
Опубликовано:
20 сәуір күні Ақтөбе қаласы әкімдігі және Ақтөбе қаласының жастар ресурстық орталығының ұйымдастыруымен Taza qala 4 айлық экологиялық акциясының ашылуы өтті.
Ақтөбе қаласының 155 жылдығы аясында өткен экологиялық акцияға облыс әкімі Асхат Шахаров пен қала әкімі Азамат Бекет қатысты.
Сонымен қатар акцияға Eco madeniet тобының жетекшісі, қалалық маслихат депутаты Айман Сексеновада қатысты.
"Бұл сенбіліктің мақсаты – қала жастарының бойына патриотизмді насихаттап, табиғатты аялауға, қорғауға, қоршаған ортаны таза ұстауға шақыру және экологиялық мәдениетті қалыптастыру. Қала тұрғындарын осындай игі іске атсалысуға шақырамыз", - деді қалалық жастар ресурстық орталығының басшысы Самғат Артыгалин.
Экологиялық акцияға қатысушылар орталық тарапынан санитарлық құрал – жабдықтармен (тырма, күрек, сыпырғыш) және қапшықтар, арнайы қолғаптар мен экологиялық акцияға арналған футболкалармен қамтамасыз етілді.
Акцияға 250 жуық қала жастары қатысып, 370 қапқа жуық қоқыс шығарылды.
Мақаланың түпнұсқасы: https://kaz.nur.kz/society/2088263-aqtobede-taza-qala-ekologiyalyq-akciyasynyn-asyluy-otti/
