Ақтөбеде дәмдеуіш тиеген шетелдік жүк көлігі өртеніп кетті

Самара-Шымкент тас жолында жүк көлігі өртеніп кетті. Онда 20 тонна дәмдеуіш болған, деп хабарлайды ҚазАқпарат.

Басылым мәліметінше, Самара - Шымкент тас жолының Хромтау ауданы Ақжар ауылы маңында жүк көлігі жанып кеткен

"Тәжікстан Республикасы азаматының басқаруындағы Mercedes жүк көлігі жүріп келе жатып өртенді. Өрт салдарынан зардап шеккендер жоқ. Өрттің себебі анықталып жатыр", - деп хабарлады кеше Ақтөбе облыстық ПД баспасөз қызметі.

Облыстық ТЖД баспасөз қызметінің хабарлауынша, Мәскеу-Худжанд бағытында шыққан көлікте 20 тонна азық-түлік дәмдеуіші болған.

Мәтіннен қате тапсаңыз, бізге жазыңыз