Астанада екі автобустың қозғалыс сызбасы өзгерді

Елордада жол жөндеу жұмыстары аяқталғанша №14 пен №64 автобустардың бағыты уақытша өзгереді. Сызбаларға сәйкес, жол жөндеу жұмыстары Абай даңғылында жүргізіледі, деп хабарлайды CTS-ке сілтеме жасаған KAZ.NUR.KZ.

"Құрметті жолаушылар! Жол жөндеу жұмыстары аяқталғанға дейін, №№ 14, 64 бағдарларының қозғалыс сызбасы уақытша өзгерді. Өзгерген қозғалыс сызбасымен суреттен қарап таныс бола аласыздар. Сапарларыңызды алдын ала жоспарлауды сұраймыз", - делінген ресми хабарламада.

Ұсынылған сызбаларға сәйкес, Абай даңғылының Сембинова мен Пушкина көшелерінің аралығы жабық болады. Автобустар жабық аймақты Кенесары көшесі арқылы айналып өтеді.