Ұлттық тестілеу орталығы өңірлерде өтетін негізгі ҰБТ уақытын жария етті

Биыл негізгі ҰБТ еліміздің әр аймағында әртүрлі уақытта басталады. Төтенше жағдай режимі жарияланған алты облыс талапкерлері үшін ол кейінірек басталады, деп хабарлайды KAZ.NUR.KZ Ұлттық тестілеу орталығына сілтеме жасап.

Орталық мәліметінше, Ақмола, Ақтөбе, Атырау, Батыс Қазақстан, Қостанай, Солтүстік Қазақстан облыстары үшін ҰБТ-ға тіркелу 6 мамырдан 20 мамырға дейін, ал тестілеудің өзі 25 мамырдан 12 шілдеге дейін өтеді.

Қалған талапкерлер үшін ҰБТ-ға өтініштерді қабылдау мерзімі – 6 мамырдан 14 мамырға дейін. Ал ҰБТ 16 мамырдан басталып, 5 шілдеге дейін жалғасады.

ҰТО өкілдері 2024 жылы барлық талапкер Ұлттық бірыңғай тестілеуді екі рет тапсырып, үздік нәтижемен грант конкурсына қатыса алатынын еске салды.

Мәтіннен қате тапсаңыз, бізге жазыңыз