Нөсер жаңбыр және 32 градусқа дейін ыстық: демалыс күндерге арналған ауа райы болжамы

Алдағы үш күнде Қазақстанда ауа райы құбылмалы болады. Найзағай ойнап, жаңбыр, бұршақ жауады деп болжанып отыр. Алайда күндіз ауа температурасы +32 градусқа дейін көтеріледі, деп хабарлайды "Қазгидромет" РМК-ға сілтеме жасаған KAZ.NUR.KZ.

Синоптиктердің болжамынша, Иран аймақтарынан келетін фронтальды бұлт өрісі елдің батыс өңірін қамтиды. Мұнда күн күркіреп, нөсер жаңбыр, бұршақ жауып, ауа температурасы төмендеуі мүмкін.

Фронтальды аймақтар республиканың шығысына қарай жылжитындықтан, бұған қоса Ақ теңізден фронтальды аймақтардың басып кіруімен солтүстік, орталық облыстарда найзағай ойнап, өткінші жаңбыр жауады. Температура біртіндеп 22-27 градусқа дейін көтеріледі.

Оңтүстік және шығыс облыстарда да тұрақсыз ауа райы күтіледі – найзағай ойнап, қатты жаңбыр, бұршақ жауады, екпінді жел соғады. Дегенмен, күндіз термометр бағандары бірте-бірте 20-32 градусқа дейін көтеріледі.

Мәтіннен қате тапсаңыз, бізге жазыңыз