"Шымбұлақтың" аспалы жолдары уақытша жабылады

"Шымбұлақ" ТК ағымдағы жөндеу жұмыстарын жүргізу үшін аспалы жолдары уақытша жабады. Бұл туралы Алматы қаласы әкімдігінің баспасөз қызметі хабарлады.

Әкімдік мәліметінше, қысқа маусымның аяқталуына байланысты "Шымбұлақ" ТК ағымдағы жөндеу жұмыстарын жүргізу және жазғы маусымның ашылуына дайындалу үшін аспалы жолдарды уақытша жауып жатыр.

"13 мамыр мен 2 маусым аралығында "Медеу-Шымбұлақ" аспалы жолы жабық болады, ал 13 мамыр мен 31 мамыр аралығында "Комби-1" және "Комби-2" аспалы жолдары да жабылады. Бұл ретте ККД-4 аспалы жолы әдеттегідей жұмыс істейді.

Сондай-ақ 2024 жылдың 19 мамыры мен 24 мамыры аралығында Медеу-Шымбұлақ жартылай жолының жүк-тартқыш арқанын қысқарту жұмыстары жүргізілуде, бұл құрылыс жұмыстарына байланысты қозғалысқа шектеу қоюы мүмкін", - делінген әкімдік хабарламасында.

Айта кетейік, Шымбұлаққа шығу үшін студенттер жолымен жүруге болады. Алдын алу жұмыстары алдағы жазғы маусымда аспалы жолдардың қауіпсіз және үздіксіз жұмысын қамтамасыз етуге бағытталып отыр.

Әкімдік жұмыс кестесіндегі өзгерістер мен аспалы жолдардың жұмысын қалпына келтіру күнін қосымша хабарлайды.