"Зиян дәстүр": Оқу-ағарту министрлігі соңғы қоңырауды мейрамханада тойлау туралы пікір білдірді

ОКҚ брифингінде ҚР Оқу-ағарту вице-министрі Наталья Жұмаділдаева соңғы қоңырауды өткізудің жаңа форматы "кортеждер мен мейрамханалардың зиянды дәстүрінен" бас тарту үшін жасалғанын мәлімдеді. Бұл туралы KAZ.NUR.KZ хабарлайды.

Брифинг барысында журналистердің бірі мектептердегі соңғы қоңыраулардың соғыстан кейінгі адамдардың моральдық-психологиялық жағдайын сақтау үшін 40-жылдары да өткізілгенін атап өтті.

Ол президент Қасым-Жомарт Тоқаевтың Қазақстандағы жаппай және қымбат іс-шаралардың тоқтатылатыны туралы мәлімдегенін еске салды. Алайда, журналистің айтуынша, мектеп оқушыларының ата-аналары соңғы қоңырау мен мектеп бітіру кештеріне өз ақшаларын жұмсайды, сондықтан оларды бюджет үшін қымбат деуге келмейді.

"Сынып сағатын өткізуге келетін болсақ (...) – бұл мемлекет басшысының жоғары білімді ұлтты қалыптастыру үшін білімге табыну керек деген негізгі идеясының жалғасы. Сондықтан бұл қисынды. 1-ден 10-сыныпқа дейінгі барлық білім беру ұйымдары үшін оқу жылының аяқталуы қорытынды шығарумен қатар жүреді", - деді Оқу-ағарту вице-министрі Наталья Жұмаділдаева.

11-сыныпқа арналған соңғы қоңырауға қатысты ол іс-шара "кортеждер мен мейрамханалардың зиянды дәстүрінен" бас тарту үшін жаңа форматта ұсынылатынын айтты.

"Түлектер үшін мектеп бітіру іс-шарасын өткізу бастамасы болды. ( ... ) Оқу-ағарту министрі түлектерге биылғы жылы балалар бір аудиторияға жинала алатын жылулық пен естеліктерге толы соңғы қоңыраудың жаңа форматын анықтауды ұсынамыз деген хабарлама берді. Біз оларға: "Форматты өздеріңіз ойластырасыздар. Бұл квест, хакатон немесе ата-аналарыңызбен бірге кеш болуы мүмкін", - дедік.

Бұл жерде балаларды мерекеден айыру мақсаты жоқ. Менің ойымша, мектеп бітіру және соңғы қоңыраудың тарихы әр елде әртүрлі. Біз мектептегі оқушыларға арнайы форматты ұсынғанда, оқушыларымызды тағы бір зиянды дәстүрден - барлық көшеде көлік кортеждері жүріп, ата-аналардың ақшасы соған жұмсалатын кезден алшақтатуға тырыстық (...) Олар тек мектеп бітіру рәсімін ғана емес, 25 мамырда да мейрамханаларда тойлатуға ұмтылады", - деді вице-министр.

"Шығын сомасы отбасына ауыр тиеді және ол кейде ақылы негізде бір жылдық оқу сомасына пара-пар болады. Сондықтан біз мемлекеттік орган ретінде түлектерімізге "Білімді ұлт - сапалы білім беру" Жолдауымен жаңа дәстүр қалыптастыруды ұсындық", - деді Жұмаділдаева.

Бүгін ОКҚ брифингінде вице-министр 2024 жылы Қазақстан мектептерінде соңғы қоңырау мен емтихандардың өткізілетін күндерін атады. Сәуір айында Қазақстан мектептеріндегі соңғы қоңырау жаңа форматта өтетіні белгілі болды.

Сонымен қатар қазақстандық түлектерге биылғы жылы салтанатты іс-шаралар мен банкеттерге, сондай-ақ автомобильдермен шығуға тыйым салынды.