Атырау облысында көпір тірегінің шөгуіне байланысты көлік қозғалысына шектеу қойылды

Атырау облысында облыстық маңызы бар көпір тірегінің шөгуіне байланысты тасжолда автокөлік қозғалысы шектелді. Ол жаңа маршрут бойынша жүзеге асырылады, деп хабарлайды KAZ.NUR.KZ "Қазавтожол" АҚ-ға сілтеме жасай отырып.

"2024 жылғы 24 мамырда "Атырау-Индер" автожолының 16-17 шақырымындағы (Жаңа сұңқар арнасы) облыстық маңыздағы көпірдің тірегі ішінара отырғаны анықталды.

Сол себепті көлік қозғалысы Атырау-Хамит Ерғалиев-Махамбет-Индер бағыты бойынша көрсетілген сызбаға сәйкес жүзеге асырылады", - делінген Telegram-арнасында.

Аталмыш учаскеде жол қауіпсіздігін қамтамасыз ету үшін тәулік бойы кезекшілік орнатылды.

Мәтіннен қате тапсаңыз, бізге жазыңыз