Үсік жүріп, күн күркірейді және нөсер жаңбыр жауады: Қазақстанның бірқатар облысында ауа райына байланысты ескерту жарияланды

Ертең, 3 маусымда, Қазақстанның бірқатар аймағында қолайсыз ауа райы күтіледі. Осыған байланысты синоптиктер ескерту жариялады, деп хабарлайды "Қазгидромет" РМК-ға сілтеме жасаған KAZ.NUR.KZ.

3 маусымда Ақмола облысында батыстан, оңтүстік-батыстан жел соғады, күндіз облыстың солтүстігінде, шығысында екпіні 15-20 м/с күтіледі. Түнде облыстың батысында 1 градус үсік күтіледі.

Көкшетау қаласында 3 маусымда оңтүстік-батыстан жел соғады, күндіз екпіні 15 м/с болады деп күтіледі.

Дүйсенбіде Шығыс Қазақстан облысының солтүстігінде, шығысында нөсер жаңбыр күтіледі. Облыстың солтүстігінде, шығысында, оңтүстігінде найзағай, күндіз бұршақ күтіледі. Жел батыстан, солтүстік-батыстан соғады, облыстың солтүстігінде, шығысында, оңтүстігінде 15-20, күндіз екпіні 23 м/с. Облыстың оңтүстігінде төтенше өрт қауіпі күтіледі.

3-5 маусымда күндіз Жамбыл облысының таулы аудандарында найзағай күтіледі. Солтүстік-шығыстан жел соғады, 03 маусымда таңертең және күндіз, 04-05 маусымда тәулік бойы облыстың оңтүстік-батысында, солтүстік-шығысында, таулы аудандарында күші 15-20 м/с күтіледі. Облыстың солтүстік-батысында, 3-5 маусым күндері оңтүстік-шығысында жоғары өрт қауіпі сақталады.

Батыс Қазақстан облысының батысында, солтүстігінде, шығысында да найзағай күтіледі. Жел оңтүстік-шығыстан оңтүстік-батысқа ауысып соғады, күндіз облыстың шығысында екпіні 15-20 м/с. Облыс бойынша жоғары өрт қауіпі сақталады, облыстың батысында, оңтүстігінде төтенше өрт қаупі сақталады.

3 маусымда Абай облысының шығысында, оңтүстігінде найзағай күтіледі. Жел солтүстік-батыстан, солтүстіктен соғады, облыстың солтүстігінде, шығысында, оңтүстігінде 15-20, күндіз екпіні 23 м/с болады деп болжанады.

Ертең Маңғыстау облысының басым бөлігінде жоғары өрт қаупі сақталады. Ақтау қ.: 03 мамырда жоғары өрт қауіпі күтіледі.

Дүйсенбіде Ақтөбе облысының батысында, солтүстігінде найзағай күтіледі. Оңтүстік-шығыстан, оңтүстіктен жел соғады, найзағай кезінде екпіні 15-20 м/с. Облыстың солтүстігінде, батысында, оңтүстігінде жоғары өрт қауіпі сақталады.

3 маусымда Атырау облысының батысында, солтүстігінде, оңтүстігінде де найзағай күтіледі. Оңтүстік-батыстан жел соғады, найзағай кезінде екпіні 15-20 м/с. Облыстың оңтүстігінде, солтүстігінде, шығысында жоғары өрт қауіпі, слтүстік-батысында төтенше өрт қауіпі сақталады.

Ал Қызылорда облысының басым бөлігінде жоғары өрт қауіпі, облыстың шығысында төтенше өрт қаупі сақталады.

Ертең Ұлытау облысында солтүстік-шығыстан, шығыстан жел күтіледі, күндіз облыстың оңтүстігінде екпіні 15-20 м/с. Облыстың оңтүстігінде жоғары өрт қауіпі күтіледі.

3 маусым түні Қарағанды облысының солтүстік-шығысында найзағай күтіледі. Солтүстік-шығыстан, шығыстан жел соғады, облыстың оңтүстігінде екпіні 15-20 м/с. Түнде облыстың солтүстігінде 1 градус үсік күтіледі. Облыстың оңтүстігінде жоғары өрт қауіпі күтіледі.

Жетісу облысының оңтүстігінде, шығысында, таулы аудандарында найзағай күтіледі. Солтүстік-шығыстан жел соғады, облыстың оңтүстігінде, шығысында, таулы аудандарында екпіні 15-20, Алакөл көлдері ауданында кей уақыттарда 23-28 м/с.

Ертең Солтүстік Қазақстан облысында оңтүстік-батыстан жел соғады, күндіз 15-20 м/с, облыстың шығысында екпіні 23 м/с күтіледі. Петропавл қ.: 03 маусымда оңтүстік-батыстан жел соғады, күндіз 15-20 м/с күтіледі.

3 маусымда күндіз Түркістан облысының тауларында найзағай күтіледі. Солтүстік-шығыстан жел соғады, таңертең және күндіз облыстың таулы аудандарында күші 15-20 м/с. Облыстың орталығында, солтүстік-шығысында, тау бөктерлі аудандарында жоғары өрт қауіпі, шөлді аудандарында төтенше өрт қаупі сақталады.

Мәтіннен қате тапсаңыз, бізге жазыңыз