Астанада жол қиылыстарының бірі бір тәулікке жабылады

Астанада 3-4 маусым аралығында даңғыл мен көше қилысындағы қозғалыс толық жабылады. Бұл учаскеде орташа жөндеу жұмыстары жүргізілмек, деп хабарлайды KAZ.NUR.KZ елорда әкімдігіне сілтеме жасап.

Астана қаласы әкімдігінің ресми сайтындағы ақпаратқа сәйкес, 3-4 маусымы аралығында Қабанбай батыр даңғылы мен Орынбор көшесінің қиылысында жол төсеміне орташа жөндеу жұмыстары жүргізілмек.

Жөндеу жұмысына байланысты көлік қозғалысы толық жабылады.

"Астана тұрғындары мен қонақтары қала жолдарында кептеліс тудырмас үшін қозғалыс бағытын алдын ала жоспарлауы қажет", - делінген хабарламада.