Астанада көшелердің бірі бірнеше күнге жабылады

Астанада Тәшенов көшесі уақытша жабылады. Бұл жол учаскесінде бірнеше күн жөндеу жұмыстары жүргізілмек, деп хабарлайды KAZ.NUR.KZ елорда әкімдігінің Telegram-дағы ресми арнасына сілтеме жасап.

Астана қаласының Көлік және жол-көлік инфрақұрылымын дамыту басқармасының ақпараты бойынша, 4-7 маусым аралығында Ж.Ташенов көшесінен А.Бараев көшесіне дейінгі учаскеде Тәшенов тұйығы бойынша жол төсемінің жоғарғы қабатын төсеу жұмыстары жүргізіледі.

Осыған байланысты бұл жол учаскесі толық жабылады.

"Астана тұрғындары мен қонақтарынан қала жолдарында кептелістер туындамауы үшін өз бағытын алдын ала жоспарлауды сұраймыз. Уақытша қолайсыздықтар үшін кешірім өтінеміз және жүргізілетін жол-құрылыс жұмыстарына түсіністікпен қарауға шақырамыз", - делінген хабарламада.

Мәтіннен қате тапсаңыз, бізге жазыңыз