Елімізде 21 жасқа толмағандарға энергетикалық сусындар сатып алуға тыйым салынуы мүмкін

Елімізде 21 жасқа толмағандарға энергетикалық сусындар сатып алуға тыйым салынуы мүмкін. Бүгін мәжіліс депутаттары тиісті түзетулерді қабылдады. Бұл туралы ведомствоға сілтеме жасаған KAZ.NUR.KZ хабарлайды.

Үкіметтің баспасөз қызметінің мәліметінше, енді энергетикалық сусындарды сатып алу үшін азаматтардың жасы 21-ден асқан болуы керек.

Энергетикалық сусындарды 21 жасқа толмаған адамдарға сатуға тыйым салынуы мүмкін. Соның ішінде сатушының қатысуынсыз – автоматтар, басқа электрондық немесе механикалық құрылғылар арқылы сату да қарастырылған.

Тиісті түзетулерді бүгін мәжіліс депутаттары қабылдады.

Сонымен қатар үкіметтің ұсынысымен енгізілген қосымша өзгерістерге сәйкес мемлекеттік еңбек инспекциясы жергілікті атқарушы органдардан еңбек жөніндегі уәкілетті мемлекеттік органға беріледі.

Мәтіннен қате тапсаңыз, бізге жазыңыз