Ақтау әкімі автокөлік жуу орындарының иелерінен аз жұмыс істеуді сұрады

Ақтау әкімі Ұлықбек Тналиев автокөлік жуу орындарының иелеріне қаладағы ауыз су мәселесіне байланысты жұмыс күнін қысқарту туралы өтініш білдірді, деп хабарлайды Lada.kz.

Басылымның хабарлауынша, әкім "Каспий жылу, су арнасы" МКК директорының орынбасары Ислам Үсеновпен бірге автокөлік жуу орындарының иелерімен кездесіп, оларға бір апта ішінде белгіленген кестемен жұмыс істеуге кеңес берген.

Тінәлиевтің айтуынша, күн ысыған соң қалада ауыз суды тұтыну көлемі айтарлықтай өсті. Әкімдік азаматтарды сумен үздіксіз қамтамасыз ету үшін шаралар қабылдауда. Бұл ретте Ақтауда 70 автожуу орталығы жұмыс істейді, олар ауыз суды пайдаланады және автожуу арқылы суды тұтыну тек өсіп жатыр.

"Су қысымын реттеу үшін біз автокөлік жуу орындарының иелерінен бір апта ішінде жұмыс уақытын сағат 08:00-ден 13:00-ге дейін уақытша шектеуді сұраймыз. Біздің бірінші кезектегі міндетіміз – тұрғындарды ауыз сумен қамтамасыз ету. Біз сіздерден осы мәселеде түсіністік танытып, қолдау көрсетулеріңізді сұраймыз", - деді Ұлықбек Тналиев кәсіпкерлерге.

Кеңесте "Каспий жылу, су арнасы" МКК директорының орынбасары Ислам Үсенов суды ең көп тұтыну түскі астан түнге дейінгі кезеңде болуы керегін түсіндірді. Сондықтан белгіленген жұмыс кестесіне сәйкес 08:00-ден 13:00-ге дейін жүргізген дұрыс екені айтылған.

Мәтіннен қате тапсаңыз, бізге жазыңыз