БҚО-да хабарсыз кеткен 19 жастағы жігіт туралы жаңа деректер шықты

Батыс Қазақстан облысының полиция департаменті аутизмге шалдыққан 19 жастағы жігіттің жоғалып кетуіне қатысты мәліметтер жариялады. Туыстарының айтуынша, жігіт жұмыс іздеуге кеткен, деп хабарлайды KAZ.NUR.KZ ведомствоға сілтеме жасап.

Ведомство мәліметінше, 10 маусымда БҚО Бәйтерек ауданының Рубежка ауылының тұрғынынан полицияға хабарлама түскен.

Хабарламада 2005 жылы туған Исраилов Игорь Витальевич 6 маусымда сағат 08:20 шамасында үйден шығып, осы уақытқа дейін оралмағаны жазылған.

Бұл факт бойынша қылмыстық іс қозғалды, жедел-іздестіру шаралары жүргізіліп жатыр. Оны іздеу үшін БҚО полиция департаментінің барлық жеке құрамына бағдар берілді.

Ол жұмыс іздеп кеткені белгілі болды. Бұрын ол бірнеше рет туыстарының ескертуінсіз кетіп, шаруа қожалықтарында жұмыс істеген екен.

БҚО полиция департаменті өкілдері жігіттің орналасқан жері туралы білсе, дереу полиция қызметінің 102 нөміріне хабарласуды сұрайды.