"Ата-ананың қаншама көз жасы кетті": аттестатын өртеген жігіттің видеосы жұрттың ашуына тиді

Әлеуметтік желіде аттестатын өртеген жігіттің видеосы қызу талқыға түсті. Көпшілік мемлекеттік рәмізді құрметтемеген азаматқа теріс пікір жазып жатыр, деп хабарлайды KAZ.NUR.KZ.

Аталған видео Instagram желісіндегі @dauletten парақшасында жарияланды.

"Бала берсең сана бер... Ең болмағанда құжаттың сыртындағы мемлекеттік рәмізді құрметтеу керек. Бұлай жасау (өртеу, жырту) кейбір мемлекеттерде қылмыс саналады", - деп жазды автор.

Мұны көрген көпшілік видеоға түрлі пікір жазып қалдырды.

"Осы бір жапырақ қағазды алу үшін ата-ананың қаншама көз жасы, уақыты, ақшасы, еңбегі кетті", "Тәрбиесіз берілген білім – адамзаттың қас жауы", "Әлі қайта жасатасың ғой", "Оқымаған өзіңнен көр", "Өмірді қызыл аттестат шешпейтін шығар", "Ата-анасының еңбегін аяқасты етіп жатыр", "Санасының жеткен жері осы", "Не дәлелдегісі келді екен?", - деп жазды жұрт.