Астанадағы даңғылдардың бірі бір тәулікке жабылады
Опубликовано:
Астанадағы Сарыарқа даңғылындағы жөндеу жұмыстарына байланысты Абай даңғылынан Сейфуллин көшесіне дейінгі учаске толығымен жабылады. Бұл туралы KAZ.NUR.KZ Астана әкімдігіне сілтеме жасап хабарлайды.
"Астана қаласының Көлік және жол-көлік инфрақұрылымын дамыту басқармасы" ММ Сарыарқа даңғылы бойынша Абай даңғылынан С. Сейфуллин көшесіне дейінгі учаскесінде жол төсеміне орташа жөндеу жұмыстарын жүргізу туралы хабарлайды.
"Осыған байланысты 23-24 маусым аралығында жоғарыда аталған учаске Сарыарқа-Абай және Сарыарқа-Сейфуллин көшелерінің қиылыстарын қоса алғанда, толығымен жабылады", - делінген хабарда.
Әкімдік өкілдері елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауға шақырды.
Сондай-ақ олар уақытша қолайсыздықтар үшін кешірім сұрап, жол-құрылыс жұмыстарын жүргізуге түсіністікпен қарауды ескертті.
Оригинал статьи: https://kaz.nur.kz/society/2122155-astanadaagy-danggyldardyng-biri-bir-taulikke-zhabylady/