Астанадағы орталық көшелердің бірі маусым айының соңына дейін жабылады

Астаналықтарға Мәңгілік Ел даңғылының бір бөлігі 30 маусымға дейін толығымен жабылатыны ескертілді. Бұл туралы KAZ.NUR.KZ елорда әкімдігінің баспасөз қызметіне сілтеме жасап хабарлайды.

"Астана қаласының Көлік және жол-көлік инфрақұрылымын дамыту басқармасы" ММ Мәңгілік Ел даңғылы бойынша Хусейн бен Талал көшесінен Қабанбай батыр даңғылына дейінгі учаскеде жол төсеміне жөндеу жұмыстары жүргізілетінін хабарлады.

"Осыған байланысты, 28-30 маусымы аралығында жоғарыда аталған учаске толығымен жабылады", - делінген хабарламада.

Әкімдік өкілдері Астана тұрғындары мен қонақтарын қала жолдарындағы кептелістерді болдырмау мақсатында өз маршруттарын алдын ала жоспарлау керегін ескертті.

"Уақытша қолайсыздықтар үшін кешірім сұраймыз және жол-құрылыс жұмыстары жүргізілуіне түсіністікпен қарауды сұраймыз", - дейді ведомстводағылар.