Ақтауда ұшақ әуежайды екі сағат бойы айналып ұшқан

Ақтау халықаралық әуежайы өкілдері FlyArystan әуе компаниясының ұшағы әуежайды неліктен ұзақ уақыт айналып жүргенін түсіндірді. Бұл туралы Lada.kz хабарлайды.

Басылым мәліметінше, редакцияға ұшақтардың уақыт режимін бақылауға мүмкіндік беретін қызмет – Flightradar24 сайтынан скриншот жіберілген.

Ұсынылған мәліметтерге сәйкес, FlyArystan әуе компаниясының KS1365 рейсі Ақтау әуежайына қонбай 2 сағаттай айналып жүрген.

"Бұл ұшақ екі сағат бойы әуежайды айналып жүр", - дейді алаңдаған қала тұрғындары.

Басылым авторларының жазуынша, Ақтау халықаралық әуежайының өкілдері осы жайтқа қатысты жауап берді.

"Бұл оқу-жаттығу рейсі, радарда ұшақ пен рейс нөмірі көрсетіледі", - деп түсіндірді әуежай өкілдері.

Мәтіннен қате тапсаңыз, бізге жазыңыз