Сел қаупіне байланысты Түрген шатқалына барар жол жабылады

Сел кезеңінде болуы мүмкін төтенше жағдайлардың алдын алу үшін және мореналық көлдерден сел жүру қаупіне байланысты Түрген экологиялық бекеті арқылы өтетін жол жабылды. Бұл туралы Іле-Алатау ұлттық паркіне сілтеме жасаған KAZ.NUR.KZ хабарлайды.

"Іле-Алатау мемлекеттік ұлттық паркі" мемлекеттік мекемесінің ресми сайтында хабарланғандай, Түрген өзені бассейніндегі №2 және №5 мореналық көлдерден сел қаупі болуы мүмкін.

Сел кезеңінде осы ықтималдықты ескере отырып, ұлттық парк Алматы облысы төтенше жағдайлардың алдын алу жөніндегі комиссияның 1 шілдедегі № 6 хаттамасының 1.3.5-тармағын басшылыққа алады.

Сондықтан 2024 жылғы 3 шілдеден бастап Іле-Алатауы МҰТП Түрген филиалының экологиялық бекеті арқылы демалушылар мен туристер үшін жол жүру шектеледі. Тек мүдделі мемлекеттік қызметтерге жол жүруге рұқсат етіледі.

Ұлттық парк барлығын қабылданған шараларға түсіністікпен қарауды және белгіленген шектеулерді сақтауды сұрайды.

"Сіздердің қолдауларыңыз бен осы нұсқауларды орындауларыңыз ықтимал төтенше жағдайлардың алдын алуға және қауіпсіздікті сақтауға көмектеседі", - делінген хабарламада.

Мәтіннен қате тапсаңыз, бізге жазыңыз