Семейде жоғалып кеткен 9 жасар бала табылды: оны бүкіл қала тұрғындары іздеді

Семейде қала тұрғындары бір күннен астам іздеген үшінші сынып оқушысы табылды. Баланың жоғалғаны кеше түсте белгілі болды, деп хабарлайды Абай облыстық полиция департаментіне сілтеме жасаған KAZ.NUR.KZ.

Кеше Семейде 9 жастағы Әлинұрдың жоғалып кеткені белгілі болды. Полицейлердің мәліметінше, 19 шілде күні сағат 12:00 шамасында ол үйден шығып кетіп, оралмаған.

Бала аман-есен табылды, оны бүкіл қала бір тәуліктен артық уақыт іздеді, деп хабарлайды Абай облыстық полиция департаментінің Telegram-дағы ресми арнасы.

Полиция қызметкерлері, еріктілер және алаңдаған қала тұрғындары бүкіл Семейді аралап іздеді. Олар қараусыз қалған ғимараттарды да, ойын-сауық орындарын да шарлады. Іздеу іс-шараларын жүргізу кезінде тәртіп сақшылары оқушыны Шығыс кентінің аумағында тапты.

Баланы полиция бөлімшеге жеткізіп, психологтің тексеруінен кейін Әлинұр ата-анасына тапсырылды.

Мәтіннен қате тапсаңыз, бізге жазыңыз