50 мың тонна астық жинау жоспары бар: Түркістан облысында егін орағы басталды

Түркістан облысы Төлеби ауданында егін орағы басталып кетті. Биыл бұл өңірде 50 мың тонна астық жиналады деп күтілуде. Бұл туралы KAZ.NUR.KZ Turkistan.tv арнасына сілтеме жасап хабарлайды.

Төлеби ауданында егін орағы басталды. Биыл ауданда 22 мыңнан астам гектар аумаққа астық дақылдары егілді.

Телеарнаның айтуынша, қазіргі таңда оның 2 мың гектар жері орылып, 5 мың тоннаға жуық өнім жиналды.

Жалпы осы жылы 50 мың тонна астық жиналады деп жоспарлануда. Яғни 15 гектарға бидай егіліп, 34 мың тонна өнім жинау жоспарлануда.

Сондай-ақ 7240 гектар аумаққа арпа дәні себіліп, қазіргі кезде 5 тоннаға жуық өнім жиналған. Жалпы арпадан биыл 15 200  тонна өнім күтілуде.

Аудан шаруалары мақсары егуден облыста үздік атанғанын ескерсек, одан 14 мың тоннаға жуық өнім алу жоспарлануда. Бұған қоса, 15 800 тонна жеміс-жидек, 960 тонна жүзім жинау да жоспарланып отыр. 

Мәтіннен қате тапсаңыз, бізге жазыңыз