Татарcтанда Алтын Орда дәуірінде жерленген хандардың зираты табылды (видео)

Татарcтандық археологтар Алтын Орда дәуірінде жерленген хандардың зиратын тапты, деп хабарлайды 24.kz.

Телеарна мәліметінше, Астрахан облысындағы төрт ірі кесенеде Берке, Өзбек, Жәнібек және Бердібек хандар жерленген.

Археологтардың айтуына қарағанда тарихи құндылығы бойынша бұл нысанды Луксордағы патшалар қорымымен, Қытайдағы Цинь Шихуанди қабірімен салыстыруға болады.

Кешен "Ақ Сарай қалашығы" деп аталатын ортағасырлық қонысы бар қираған ғимараттардың қалдықтарынан тұрады.

Ғалымдар бұл қорымға мұражай мәртебесін беруді ұсынып отыр.

Айта кетерлігі, Татарстан археологтары Хазар қағанаты дәуірінен бастап Алтын Ордаға дейінгі елді мекендерге 20 жылға жуық уақыт бойы зерттеу жұмыстарын жүргізіп келеді.

Мәтіннен қате тапсаңыз, бізге жазыңыз