Алматыда сот шешімімен тағы бір тұрғын үй кешені сүріліп жатыр (видео)

Алматыда тағы бір заңсыз салынған тұрғын үй кешені бұзылып жатыр. Бұл туралы қала әкімдігіне сілтеме жасаған KAZ.NUR.KZ хабарлайды.

Бұл нысан Ерменсай шағын ауданында салынған. Үш жер телімінде рұқсат құжаттарының болмауына байланысты үй бұзылуда.

"2023 жылғы 20 қаңтарда басқарма тапсырыс берушіге (жеке тұлғаға) қатысты жол берілген бұзушылықтарды жоюға нұсқама бере отырып, әкімшілік шаралар қабылдады, ал кейінірек Бостандық аудандық сотына сүруге талап арыз берді. Өткен жылдың 24 шілдесінде аудандық соттың шешімімен басқарманың заңсыз құрылысты бұзу туралы талап арызы қанағаттандырылды", - делінген хабарламада.

Сот шешіміне апелляциялық шағым түсірілген, алайда 2023 жылғы 19 қазанда апелляциялық сот бірінші сатыдағы соттың шешімін өзгеріссіз қалдырды.

Нысанды сүру 29 шілдеде Әділет департаментінің сот орындаушыларының қатысуымен басталды.

Ведомство өткен жылдың басынан бері 40 заңсыз нысан толығымен немесе жартылай бұзылғанын атап өтті.

Мәтіннен қате тапсаңыз, бізге жазыңыз