Түркияда қазақстандықтар мінген автобус апатқа ұшырады: СІМ жолаушылардың жағдайы қандай айтты
Жарияланған күні:
Сыртқы істер министрлігінің ресми өкілі Айбек Смадияров Түркиядағы жол апатынан зардап шеккендердің жағдайы қандай екенін айтты. Бұл туралы KAZ.NUR.KZ хабарлайды.
- Түркияда қазақстандықтар мінген автобус апатқа ұшырады, оқиғаға 4 қазақстандық қатысқан.
- Сыртқы істер министрлігінің ресми өкілі Айбек Смадияровтың айтуынша, қазақстандық жолаушылар аман-есен және медициналық көмек қажет етпейді.
- Апатқа ұшыраған автобус Бодрум-Мугла тасжолында болған, оқиға нәтижесінде кем дегенде 13 адам жараланған.
"Түркияда шетелдік туристерді тасымалдаған шағын автобустың қатысуымен жол апаты болды. Жолаушылардың арасында 4 қазақстандық болды.
ҚР консулының ақпаратына сәйкес, отандастарымыз аман-есен, медициналық көмек қажет етпейді. Қазіргі уақытта олар өз қонақүйінде", - деп хабарлады Айбек Смадияров KAZ.NUR.KZ тілшісіне.
Еске сала кетсек, бұған дейін шетелдік БАҚ Түркиядағы Бодрум-Мугла тасжолында туристер мінген автобус апатқа ұшырағанын хабарлады.
Басылымдар автобуста Қазақстан мен Ресейден келген туристер болғанын және кем дегенде 13 адамның жараланғанын жазған болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2146542-turkiiada-qazaqstandyqtar-mingen-avtobus-apatqa-ushyrady-sim-zholaushylardyng-zhagdaiy-qandai-aitty/