Демалыс күндері Алматыда екі көше жартылай жабылады
Опубликовано:
Алматыда екі көшенің – Өтеген батыр мен Қаппаров учаскелері жөндеу жұмыстарына байланысты жабылады. Жөндеу жұмыстары алдағы демалыс күндері жүргізіледі, деп хабарлайды KAZ.NUR.KZ тілшісі.
- Алматыда Өтеген батыр мен Қаппаров көшелерінің кей аумағы жөндеу жұмыстарына байланысты демалыс күндері жабылады.
- Өтеген батыр көшесінде 9-11 тамыз аралығында, ал Қаппаров көшесінде 9-10 тамыз аралығында көлік қозғалысы шектеледі.
- Әкімдік тұрғындардан жол жүру маршрутын алдын ала жоспарлауды сұрап, жөндеу жұмыстары жүргізілетін жерлерде ескерту белгілері мен ақпараттық стендтер орнатылатынын хабарлады.
Әкімдіктің хабарлауынша, Өтеген батыр көшесінің бір бөлігінде орташа жөндеу жұмыстарын жүргізуге байланысты көлік қозғалысына уақытша шектеулер енгізілуде.
Осылайша, 9 тамыз сағат 23.00-ден 11 тамыз 11.00-ге дейін Жұбанов көшесінен Абай даңғылына дейінгі аумақта көлік қозғалысы шектеледі.
Алаңды солтүстік бағытта Абай даңғылы, Алтынсарин даңғылы және Жұбанов көшелері бойымен, ал оңтүстік бағытта Жұбанова көшесі, Алтынсарин және Абай даңғылдарының бойымен айналып өтуге болады.
Сонымен қатар 9 тамыз сағат 23:00-ден 10 тамыз 6:00-ге дейін Жамақаева көшесінен Mediterra медициналық орталығына дейінгі аумақта көлік қозғалысы шектеледі. Мұнда шағын жөндеу жұмыстары жүргізіледі.
Әкімдік жөндеуден өтетін аумақтарда ескерту белгілері мен мердігер компания басшысының байланыс ақпараты бар стендтер ілінетінін айтты.
Қала әкімдігі тұрғындардан жол жүру маршрутын алдын ала жоспарлауды сұрады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2146773-demalys-kunderi-almatyda-eki-koshe-zhartylai-zhabylady/