Алматыда жолайрық құрылысына байланысты бірқатар көше жабылады

Алматыда Райымбек-Момышұлы жолайрығының аумағына орташа жөндеу жұмыстарына байланысты бірқатар көше жабылды. Бұл туралы KAZ.NUR.KZ қала әкімдігі баспасөз қызметіне сілтеме жасап хабарлайды.

"Райымбек-Момышұлы жолайрығының аумағына орташа жөндеу жүргізуге байланысты көлік қозғалысына уақытша шектеу енгізіледі.

20 тамыз сағат 23.00-ден 22 тамыз сағат 11.00-ге дейін Момышұлы көшесінде Төле би көшесінен Талдыарал көшесіне дейінгі эстакадада, сондай-ақ оған бұрылатын және одан шығатын жол жабылады", - делінген хабарламада.

Әкімдік өкілдерінің хабарлауынша, бұл аумақты Төле би, Ақсай 1-А, Саин, Еспаев, Сухамбаев-Доспанов көшелері арқылы айналып өтуге болады.

"Жөнделетін аумақта ескерту белгілері, мердігер ұйым басшысының байланыс нөмірі жазылған стендтер қойылады. Маршрутыңызды алдын ала жоспарлап алуыңызды сұраймыз", - деп ескертті ведомство өкілдері.