Тelegram және WhatsApp қолданушылары мессенджерлерден ақау шыққанын айтып, шағымданды

Тelegram және WhatsApp қолданушылары мессенджерлерде ақау шыққанын хабарлады. Бұған DownDetector сайтында келтірілген деректер дәлел, деп хабарлайды KAZ.NUR.KZ.

Ресей мен Өзбекстан қалаларындағы кейбір қолданушылар Telegram-ды қолданғанда қиындықтарға тап болды.

Қолданушылар негізінен мессенджердің жұмысына, хабарландырулар мен медиафайлдарды жүктеу кезіндегі қиындықтарға шақымданған.

DownDetector деректері бойынша, WhatsApp мессенджері өз кезегінде тек Ресейде ғана емес, сонымен қатар Татарстанда да ашылмай қалған.

Шағымдардың басым бөлігі мессенджер қосымшасының жұмысына қатысты түскен.

Еске салайық, маусымның соңында Telegram мессенджерінің негізін қалаушы Павел Дуров Астанаға келген еді. Оны Қазақстанға цифрлық даму, инновациялар және аэроғарыш өнеркәсібі министрі Жаслан Мәдиев шақырған.

Сол күні Дуровтың Astana Hub-та эскалаторға мініп бара жатқан сәті түсірілген видео тарады.