Алматыда көшелердің бірінде бірнеше күнге көлік қозғалысы шектеледі

Алматыдағы Қалдаяқов көшесінің учаскелерінде орташа жөндеу жұмыстары жүргізіледі. Осыған байланысты автокөлік қозғалысына шектеулер енгізіледі. Бұл туралы әкімдікке сілтеме жасаған KAZ.NUR.KZ хабарлайды.

Қалдаяқов көшесінің учаскелеріне орташа жөндеу жүргізуге байланысты қозғалысқа уақытша шектеулер енгізіледі.

Әкімдік өкілдерінің мәлімдеуінше, 29 тамыз сағат 23:00-ден 31 тамыз сағат 11:00-ге дейін Мақатаев көшесінен Төле би көшесіне дейінгі учаскеде қозғалыс жабылады.

Айналма жол Гоголь және Төле би көшелерінің бойымен, сондай-ақ қатарлас Ришат және Мүслім Абдуллин, Зенков, Қайырбеков көшелері бойымен ұйымдастырылады.

30 тамыз сағат 23:00-ден 1 қыркүйек сағат 11:00-ге дейін Төле би көшесінен Қабанбай батыр көшесіне дейінгі аумақта көлік қозғалысы шектеледі. Зенков, Ришат және Муслим Абдуллин көшелері бойымен айналма жол қарастырылады.

Жөнделген учаскеде ескерту белгілері мен мердігер басшысының байланыс ақпараты бар стендтер ілінеді.

Мәтіннен қате тапсаңыз, бізге жазыңыз