ҚМДБ неге жабық мекеме: бас мүфти жауап берді

ҚМДБ неге жабық мекеме саясатын ұстанады? Бірлескен отырысқа келген ҚМДБ төрағасы, бас мүфти Наурызбай қажы Тағанұлына журналистер Қазақстан мұсылмандары діни басқармасы жабық мекеме, баспасөз мәслихатын өткізбейтінін, сол себепті мекемеге қатысты сұрақтар өте көп екенін айтты, деп хабарлайды KAZ.NUR.KZ тілшісі.

Наурызбай қажы мұсылмандар мерекелері кезінде баспасөз мәслихатын өткізетінін, ашық екенін айтты.

"Біз жылда Құрбан айт және Ораза айттың алдында баспасөз жиынын өткіземіз. Біз жабық мекеме емеспіз, ашықпыз. Бізге БАҚ-тан сұрақтар келеді. Аллаға шүкір, сұрақтың бәріне жауап беріп жүрміз", - деді ҚМДБ төрағасы.

Сондай-ақ журналистер пітір садақадан былтыр қанша сома жиналғанын, оның қайда жұмсалғанын сұрады.

"Бізде пітір садақа жиналатын 400-дей мешіт бар. Өңірлердегі ақшаның бәрі орталыққа келмейді. Әр өңір жеке шешім шығарып, қайырымдылыққа береді", - деді ол.

Жалпы есеп жүргізіле ме деген сұраққа "әрине, жүргізіледі, нақты жалпы сома дәл қазір есімде жоқ. Сіздерге кейін берейін" деп жауап берді ол.

Мәтіннен қате тапсаңыз, бізге жазыңыз