4 мыңға жуық шымкенттік тұрғын өздеріне тиесілі тегін дәрі-дәрмектен қағылған
Жарияланған күні:
Шымкентте он екі бас дәрігер әкімшілік жауапкершілікке тартылды, деп хабарлайды KAZ.NUR.KZ Inbusiness.kz-ке сілтеме жасап.
Шымкентте 12 қалалық емханада диспансерлік есепте тұрған 4 мыңға жуық науқас мемлекет кепілдік берген тегін дәрі-дәрмекті алмаған", делінген қалалық прокуратураның хабарламасында.
Бақылау қорытындысы бойынша 3915 науқас дәрі-дәрмек алған. Осылайша 12 бас дәрігер ҚР ӘҚБтК-нің 426-бабы "Фармацевтикалық қызмет және дәрілік заттардың, медициналық мақсаттағы бұйымдардың айналысы саласындағы қағидаларды бұзу" бойынша әкімшілік жауапкершілікке тартылды.
Медициналық мекемелерден 2 миллион теңгеден астам айыппұл өндіріліп, 108 медицина қызметкері тәртіптік жауапкершілікке тартылды.
Мақаланың түпнұсқасы: https://kaz.nur.kz/society/2156817-4-myngga-zhuyq-shymkenttik-turgyn-ozderine-tiesili-tegin-dari-darmekten-qagylgan/
