"Екі ай бойы кездесіп жүрдік": қарттар үйінде танысқан жұп шаңырақ көтерді

Өскеменде АХАТ бөлімінің қызметкерлері арнаулы әлеуметтік қызмет көрсету орталығында некені тіркеу рәсімін өткізді. Бұл туралы yk-news.kz сайтына сілтеме жасаған KAZ.NUR.KZ хабарлайды.

Екі қарияның оқиғасын "Азаматтарға арналған үкімет" мемлекеттік корпорациясының баспасөз қызметі баяндап берді.

71 жастағы Людмила Николаевна ұзақ уақыт бойы қарттар үйінде тұрып келген, алайда болашақ жарын осында кездестіремін деп ойламаған.

"Біз екі ай бойы кездесіп жүрдік. Ол маған сыйлықтар жасап, сезімін білдірді. Мен "иә" дедім.

Мұнда бірге тұрамыз, бөлек бөлме де берілді. Бізге келіп, некемізді тіркегені үшін АХАТ қызметкерлеріне рақмет айтамын",- деді ол.

Мәтіннен қате тапсаңыз, бізге жазыңыз