Астана қаласы мәслихатының сессиясында самокат тақырыбы талқыланды

Елорда мәслихаты қаладағы саябақтар мен алаңдарды абаттандыру мәселесін талқылады. Талқылау барысында электрлі скутерлердің мәселесі де қозғалды, деп хабарлайды KAZ.NUR.KZ тілшісі.

Астана қаласы әкімінің орынбасары Нұрлан Нұркенов Астанада 9 саябақ, 4 бульвар және 90-ға жуық скверлер барын айтты. Ал қазір жаңаларын салу мәселесі талқылануда. Ол осы аумақтардағы тәртіпті сақтау үшін қандай жұмыстар атқарылып жатқанын айтты.

"Кейін самокат айдағандардың артын қалай жуамыз деп ойлаймыз. Мұндай мәселе бар емес пе, иә? Самокат тебушілердің брусчаткада қалдырған іздерін қалай жуамыз?", - деді ол.

Жиналған депутаттардың бірі ол жерде самокаттарға тыйым салуды ұсынды.

Еске салсақ, бұған дейін полиция қызметкерлері электрлі самокат жүргізушілеріне үндеу жасап, тыйым салынатын жағдайлар туралы ескертті. Сонымен қатар полиция өкілдері 18 жасқа толмаған жүргізушілерге жүргізуші куәлігінсіз жолға шығуға тыйым салынатынын атап өтті.