Алдағы демалыс күндері еліміздің кей өңірінде аяз болады

Алдағы демалыс күндері Қазақстанның солтүстігінде ғана емес, оңтүстік облыстарында да ауа температурасы айтарлықтай төмендейді деп болжанды. Бұл туралы "Қазгидромет" РМК-ға сілтеме жасаған KAZ.NUR.KZ хабарлайды.

Синоптиктердің мәліметінше, Солтүстік-Батыс антициклоны Қазақстан аумағы арқылы ауысады. Соның нәтижесінде елімізде негізінен жауын-шашынсыз ауа райы сақталады.

Антициклон әсерінен Жамбыл және Алматы облыстарында, сондай-ақ Жетісу облысында түнгі уақытта аяз болады. Яғни ауа температурасы айтарлықтай түседі деп болжануда.

Еске салсақ, бүгін, 27 қыркүйекте Астана қаласында ауа температурасы -1 градусқа дейін түсетінін хабарлаған едік.